جیهان سات

487697

ئه‌رشیفی هه‌واڵه‌کان

	. دواین 3 ڕۆژ . دواین 7 ڕۆژ . دواین 30 ڕۆژ. . 2007 (99) . 2008 (901) . 2009 (527) . 2010 (104)

که‌ش و هه‌وا

آخبار العربية

چه‌کوش!‌

پاش ئه‌وه‌ى ده‌ستى سه‌رانى كۆمپانیاى فشه‌ ئاشكرا بوو: كامه‌ران بایز: له‌مێژه‌ ده‌ڵێین نه‌وشیروان‌و سه‌رانى ترى كۆمپانیاى فشه‌، له‌ زۆر روه‌وه‌ له‌ كه‌مالى جه‌مالى موختار ده‌چن‌و نه‌له‌رووى عه‌قڵه‌وه‌، نه‌له‌رووى فه‌لسه‌فه‌ى ژیانیشیانه‌وه‌ هیچ له‌ یه‌كترى جیاواز نین، ئه‌م چه‌ند شه‌وه‌ى گوایا قادرى حاجى عه‌لى گه‌ڕ‌اوه‌ته‌وه‌ بۆ به‌ڕ‌ێوه‌بردنى ئیعلامى كۆمپانیاكه‌، زۆر به‌ ئاشكرا ئه‌وه‌ى ده‌رخست كه‌ ئه‌و ئاراسته‌یه‌ى نه‌وشیروانپۆست گرتبۆیه‌ به‌ر، هه‌مان ئاراسته‌یه‌ كه‌ ئێستا ته‌له‌فزیۆن‌و رادیۆكه‌ى كۆمپانیاى فشه‌ پێڕ‌ه‌وى ده‌كه‌ن. ئه‌م ده‌مامكى خۆ هه‌ڵماڵینه‌ش پاش رونكردنه‌وه‌كانى پۆڵا سه‌عید‌و جه‌ماعه‌تى كوردستانپۆسته‌ نوێكه‌ هات. ئیدى سه‌رانى كۆمپانیاى فشه‌ى گرده‌كه‌ گه‌یشتنه‌ ئه‌و باوه‌ڕ‌ه‌ى كه‌ كۆمه‌ڵانى خه‌ڵكى كوردستان له‌وه‌ گه‌یشتوون كه‌ كۆمپانیاكه‌ى نه‌وشیروان بۆ بازرگانى وشه‌‌و كۆمپانیاكه‌ى كه‌مالى جاشزاده‌ بۆ به‌رهه‌مهێنانى جنێوى لۆك چ جیاوازیه‌كیان نیه‌‌و ئه‌و ئاستى مه‌عریفه‌یه‌شى كه‌ پێى بیرده‌كه‌نه‌وه‌‌و پێى ده‌نوسن، هه‌مان ئاستى یه‌كتره‌. بۆیێ ده‌بینین وتاره‌ كۆنه‌كانى نه‌وشیروانپۆست ئێستا له‌ته‌له‌فزیۆن‌و رادیۆكه‌ى فشه‌وه‌ به‌ ده‌نگ‌و ره‌نگ گوێمان لێیان ده‌بێته‌وه‌، پێده‌چێت ئیدى كۆمپانیاى فشه‌ چ كارى به‌ نه‌وشیروانپۆسته‌كه‌ى نه‌مابێت. له‌ ئێستادا ده‌بینین جۆرى دروشمه‌كانى ئاوێنه‌‌و هاوڵاتى‌و لڤینیش به‌ هه‌مان شێوه‌ دووباره‌ بوونه‌وه‌ى مانشێته‌ كۆنه‌كانى نه‌وشیروانپۆستن. له‌ راستیدا وا دیاره‌ هه‌موو ئه‌و سوحوفى‌و سیاسیه‌ فاشیله‌ نوێیانه‌ یه‌ك سه‌رچاوه‌یان هه‌بووبێت‌و هه‌مووانیان له‌ قوتابخانه‌ پڕ‌ خیانه‌ته‌كه‌ى كه‌مالى جاشزاده‌ ده‌رسیان خوێندبێت، ده‌نا نه‌وشیروان‌و شه‌ماڵى عه‌قارى به‌چى ده‌به‌سترێنه‌وه‌ به‌ حه‌دباوه‌؟ ئه‌و قوتابیخانه‌یه‌ى جاشزاده‌ وانه‌یه‌كى زۆر گرینگیشى هه‌بوو كه‌ ئه‌ویش وانه‌ى چه‌واشه‌كارى‌و فێڵكردن بوو له‌ كۆمه‌ڵانى خه‌ڵكى كوردستان به‌و هه‌ویایه‌ى ته‌فره‌یان بدات‌و له‌ خشته‌یان ببات به‌ره‌و زه‌لكاوى خیانه‌ت. ئاوه‌تا وا ئێستاكانێ كۆمپانیا بازرگانیه‌كه‌ى فشه‌ ده‌ستى كۆمه‌ڵێك سه‌رلێشێواوى ئه‌م وڵاته‌ى گرتووه‌ به‌ره‌و ئه‌و زه‌لكاوه‌، كه‌ به‌شێوه‌یه‌ك قسه‌ بریقه‌داره‌كانى سه‌رانى فشه‌ كارى تێكردوون كه‌ هه‌موویان به‌ تلیاك كێش ده‌چن‌و هه‌ر ده‌ڵێى له‌ ژێر كاریگه‌رایه‌تى له‌و جۆره‌ مادده‌ سڕ‌كه‌رانه‌دا قسان ده‌كه‌ن. ده‌ى براده‌رینه‌ ئه‌م سه‌رده‌مه‌ش به‌سه‌ر ده‌چێت‌و سه‌رده‌مێكى زێڕ‌ینى دی دێته‌ پێش كه‌ نه‌نه‌وشێروان‌و تاقمه‌ گومڕ‌اكه‌ى ده‌مێنن تا مه‌ترسى بۆ پرسى كورد دروست بكه‌ن، نه‌ جارێكى دى كه‌سێك جورئه‌تى ئه‌وه‌ ده‌كات ئاڵاى كوردستان فه‌رامۆش بكات‌و پشت بكاته‌ میلله‌تى خۆى. به‌ڵام ئه‌و ده‌مه‌ ئه‌و ده‌موچاوانه‌ زه‌لیل ده‌بن كه‌ چه‌ند سیاسیه‌كى ناو كۆمپانیاى فشه‌ بۆ مه‌به‌سته‌ گڵاوه‌كانیان قسه‌ى ناخى خۆیانیان پێده‌كه‌ن. ئه‌و ده‌مه‌ تۆ بڵێى كێ شه‌فاعه‌تیان ده‌كات.

ئه‌رشیفی چه‌کوش

487697 سه‌ردان